Xaçirêka Evîndariyê

Di xaçirêka evîndariyê de

Xeyalên min teqlo meqloyî

Hêl di min de namîne

Ez ji qudûm dikevim

Li gustîlkekê rast nayêm

Evîn li min dibe zêdebarî.

 

Sal sala dilê min

Evîn min bi çolan dixe

Şevên tarî dibin hemrazên min

Çav stêrkan dişopînin

Ji bo yarê tê de bibînin.

 

Yar yarek xemrevîn

Ne rawestan lê heye ne biqasî min pê re evîn

Nizane ku ev dil îro ji bo wê bûye birîn

Dîsa jî li bende mizgînekê ye

Yan ji aliyê xerbî yan ji aliyê bayê bêrîn.

 

Diçim bi alî asoyê ve

Li pê min xaçirêkek vedibe

Li rastî kulîlkan têm

Ji wan kulîlkan Kurdistan û yarê bîn dikim.