Di ev albuma ku ji 10 stranan pêk tê de bestekarîya Jan Arslan derdikeve holê. Gotinên 8 stranên vê albûmê ji alîyê Jan Araslan ve hatine nivîsandin, bestekarê 9 stranên albumê jî Jan Arslan e. Wekî albuma xwe ya yekem di vê albumê de jî Jan Arslan cih daye gotinên helbesvanên girîng yên zimanên kurdî, wekî helbesta Kamiran Ali Bedirxan ya bi navê “Kulîlkên Ezeb” û ya helbesta bi navê “Janya” ya Rênas Jîyan. Di albumê de tenê besteyek ji alîyê Jan Arslan ve nehatîye çêkirin, ew jî “Li VÎ Bajarî” ye ku muzîka vê stranê ji stranê gelêrî ya ingilîz “Greensleeves” hatîye girtin û Jan Arslan gotinên stranê nivîsandîye.Ev stran ji alîyê gelek hunermendên bi navûdeng jî hatîye stirîn .

Di vê albuma ku bi şêwaza Pop-Rock hatîye amadekirin û bi piranî melodîyên akustik hatine bikaranîn de şîrovekirinek bi hêz û gotinên strana balê dikşîne ser xwe. Di albumê de bi giranî bikaranîna mijarên melodik, deng û hestek germ derdixîne holê. Stranên albumê carna guhdaran dike nav hesteka evîneka mîstîk, carna kenê zarokek di nav şer de û carna jî dibe kevîya qêrîna mirinê.

Hemû qeydên albûmê li Hamburgê çêbûne û derhênerî û sazkirina albumê ji alîyê Ayhan Evcî hatîye çêkirin.

Di vê albûmê de gitarê gîtarîstên li Almanyayê van demên dawî bi nav û deng e, Jonathan Warner lêxist. Muzîsyenên bin av û deng yên wekî Chris Control, Martin Drees, Chris Harms, Tobias Heinshon, Gerrit Heineman, Wolfgang Meyer zu Eisen û Leandro Saint-Hill jî kedên xwe piştgirîyek girîng dan albumê.

Li du albuma xwe ya “Evînperwer” ku ji alîyê çapamenîyê ve alaqeyek mezin dîtibû û ji alîyê hin malperên înternetê wekî albuma herî baş yê salê hatibû hilbijartin, bi albuma xwe ya duyem “Xewrevîn” de jî di rêya muzîka kurdî de bi aramî dimeşe

Albuma “Xewrevîn” ku ji alîyê Sony Musik tê belavkirin, li hemû marketên muzîkê yên tên zanîn, ji platformên dijîtal yên muzîkê, li hemû Ewropayê ji ‘Amazon’ û Kurdish Media Shopê dikarê bê peydakirin.